Џенифер Лопез позираше гола во новата кампања за модниот бренд Revolve. Сними реклама за нова линија чевли, а телото ѝ беше покриено со долгата коса.
Пејачката својата соработка со споменатиот бренд ја започна на почетокот на овој месец. Во последно време ја запостави промоцијата на своите песни, а се посвети на промоција на модни линии и козметички производи.
Како и секогаш, реакциите на нејзините фотографии се позитивни.
„Сериозно, ти најдобро остаре од сите на планетата“, напиша една корисничка на Instagram.
„Совршена си од глава до пети“, додаде друга.
„Бен е среќен човек“, е исто така еден од коментарите.
Српските медиуми неодамна објавија дека Џенифер во мај ќе дојде во Белград. Наводно ќе настапи на приватна забава на милијардер, кој искеширал 200.000 евра.
„Нејзиниот тим не побара никакви дополнителни услови, само медиумите да не присуствуваат на настанот или гостите да не ја вознемируваат со разговор. Нејзиниот сопруг Бен нема да биде со неа, тоа е сигурно. Сите други детали за нејзиното доаѓање ќе се знаат пред нејзиното пристигнување“, рече изворот.
