Актерот Џејсон Момоа објави фотографија на Instagram од снимањето на новото продолжение на филмот „Aquaman“и покажа како ќе изгледа неговиот костим.
Пред три години, Момоа во улогата на суперхеројот носеше костим во златна и зелена боја, додека новиот костим е метален и потемен од претходниот.
„Втор круг. Нов костим. Повеќе акција“, напиша Момоа во описот на објавата.
Режисерот Џејмс Ван рече дека тој и сценаристот биле инспирирани од синиот костим што Аквамен го носел во осумдесеттите години, пишува Independent.
Таков костим за првпат беше виден во истоимената мини серија од осумдесеттите години, а беше дизајниран од сценаристот и продукциски дизајнер на DC Нил Познер.
Филмот „Aquaman and the Lost Kingdom“ треба да започне да се прикажува во декември 2022 година, а Момоа неодамна изјави дека продолжението го посветил на еден млад обожавател кој ја загуби битката со ракот оваа година.