Дојде денот кој сите љубители на фудбалот со нетрпение го очекуваа. Денеска ќе го дознаеме расплетот за титулите во Англија и Италија.
Три од петте најдобри пет лиги се решени одамна, додека имаме голема драма во Италија и Англија. Играта на судбината сакаше во интервал од еден час да дознаеме кој ќе ја освои титулата во Премиер лигата и во Серија А.
Англичаните први ќе го доделат пехарот. Од 17 часот се игра последното коло во Премиер лигата, а сите погледи ќе бидат насочени кон стадионот „Етихад“ каде Манчестер Сити денеска ќе се бори за нова титула.
„Граѓаните“ ја пречекуваат Астон Вила со бод предност во однос на Ливерпул. Избраниците на Пеп Гвардиола имаат сè во свои раце и со победа би ја одбраниле титулата шампион на Англија.
Астон Вила им стои на патот. Незгодна и скапа екипа која разочара оваа сезона, но на крилата на поранешните ѕвезди на Ливерпул, Стивен Џерард и Филипе Кутињо сака да им помогне на „црвените“ да ја освојат титулата.
Ливерпул на домашен терен го пречекува Вулверхемптон и ќе чека „киксот“ на Сити и со триумф над „волците“ ќе ја освои титулата во Премиер лигата.
Англичаните ќе понудат многу возбудувања и во другите делови од табелата. Големите ривали на северен Лондон, Тотенхем и Арсенал, се борат за Лигата на шампионите. На Спарс им е потребен бод со најслабиот тим на Норвич за да го обезбедат четвртото место, додека Арсенал ќе се надева на Норвич и ќе чека на место во елитниот ранг на европскиот фудбал со евентуална победа против Евертон.
Ќе дознаеме и кој ја напушта елитата бидејќи во коло влегуваат Барнли и Лидс, а места во Премиер лигата има само за еден тим. Барнли го пречекува Њукасл и има значително подобра гол-разлика од Лидс на гостувањето кај Брентфорд па е во водство.
Натпреварите се играат од 17 часот.
Табела во Премиер лига:
Од 18 часот ќе го добиеме расплетот во Серија А каде за титулата се борат миланските гиганти Милан и Интер. Милан сакаат да стигнат до 19. титула на Италија. Младиот и неискусен тим на „Росонерите“ одигра сезона над сите очекувања и денеска има можност да ја освои титулата што ја чека 11 години на гостувањето кај Сасуоло.
На Милан му е доволен бод против Сасуоло, а се очекува и инвазија на гостински навивачи на стадионот Мапеи. Италијанците најавуваат речиси 20.000 навивачи на Милан на стадионот кој прима околу 22.000 гледачи, што значи дека Милан ќе одигра речиси домашен натпревар.
„Росонерите“ поднеле неверојатни 100.000 пријави за билети за стадион кој има петпати помал капацитет, а тоа доволно говори за еуфоријата што владее кај седумкратниот европски шампион.
Од друга страна, Интер во истиот термин од 18 часот ја пречекува Сампдорија и се надева дека Сасуоло ќе им ја „заврши работата“ и ќе го совлада Милан, а потоа победа над Сампдорија би значело и одбрана на титулата.
Салернитан го пречекува Удинезе и победа сигурно би значела опстанок пред Каљари.
Дуелите за титулата во Серија А се играат во 18, додека борбата за опстанок е закажана за 21 часот.
Табела во Серија А:
