По јубилеен десетти пат во Младинскиот културен центар во Скопје ќе се одржи популарниот фестивал Здраво Млади.
Со посебен протокол и мерки одобрени од Владата поради ситуацијата во коронавирусот во земјава, јубилејот за жал ќе биде одбележан со присуство на ограничен број на посетители, а и мизичката понуна е далеку поскромна од обично. Поради пандемијата, фестивалот остана без два планирани бенда. Швеѓаните Viagra Boys го откажаа нивниот настап поради карантинот во кој треба да одат по враќањето, додека британскиот пост-панк бенд Shopping го откажа настапот откако заглави во САД.
Вратите на фестивалот, кој традиционално ќе се одржи во дворот на МКЦ, ќе се отворат од 18:30 часот, а програмата почнува половина час подоцна.
Прв ќе настапи Ирецот DJ FITZ, потоа од 20 часот е самостојната изложба на Sali Ertunc насловена „25-тата слика - Неслушнатото, невиденото и незбореното“, а од 20:30 на бината е најавено изненадување.
Потоа ќе следуваат данските легенди на инди-рок сцената Efterklang, па од 22:30 домашните Funk Shui, еден час подоцна свежата психоделија од Истанбул Lalalar, 30 минути по полноќ домашните PMG Kolektiv, а вечерта ќе ја затвори оној кој и ја отвори, DJ FITZ.
„Дојдете порано со цел да го запазиме протоколот и да се забавуваме безбедно на своите обележани места за слободно танцување“, порачува организаторот.