Со денешните натпревари во групите А и Б започнува лудилото од последното коло на Светското првенство.
Поради регуларност, натпреварите во групи ќе се играат во исто време. Од 16 часот се играат натпреварите од групата А, а од 20 часот од групата Б.
Во овие групи сè уште не ги знаеме имињата на учесниците во осминафиналето, а само Катар нема шанси да се пласира меѓу 16-те најдобри селекции во светот.
Во групата А ќе се сретнат Холандија - Катар и Сенегал - Еквадор. Во најдобра позиција се Холанѓаните и Еквадорците со оглед на тоа што имаат по 4 бода, а Сенегал 3, а во суштина им одговара и нерешено за да се пласираат во нокаут фазата.
- Холандија ќе се пласира во осминафиналето доколку не загуби од Катар
- Победникот од натпреварот Сенегал - Еквадор оди во осминафиналето
- Во случај на реми меѓу Сенегал и Еквадор, Еквадор ќе напредува
- Еквадор и Сенегал ќе напредуваат ако ремизираат на голови и ако Катар ја победи Холандија со два или повеќе гола разлика
Во групата Б ситуацијата е уште покомплицирана бидејќи сите четири селекции имаат шанси за осминафинале и ги дели само еден бод (Англија 4, Иран 3, САД 2, Велс 1). Се среќаваат САД - Иран и Англија - Велс.
- Англија оди во осминафиналето во секое сценарио освен ако не загуби од Велс со четири или повеќе гола разлика
- САД одат понатаму ако победи Иран
- Иран напредува ако ги победи САД, или во случај на реми со услов Велс да не ја победи Англија
- На Велс му е потребна победа од четири гола над Англија за да се пласира понатаму. Велшаните со толкава разлика можат без победа да одат до осмото место, но во тој случај зависат од средбата меѓу Иран и САД, каде им треба реми.
