Играчите на Денвер Нагетс успеаја да победат во третата партија и да се вратат во игра за титулата на Западот не дозволувајќи им на Лејкерс да избегаат на 3-0.
Денвер водството го имаше во првите три четвртини кога водеше со 18 разлика пред да попушти во последната која ја загуби со 10 разлика, но сепак тоа беше доволно за прва победа во финалето.
Најефикасен на натпреварот беше Леброн Џејмс кој оставри трипл-дабл со 30 поени 10 скокови и 11 асистенции, а веднаш зад него беше Џамал Мареј од Денвер со 28 поени, 8 скокови и 12 асистенции. Ентони Дејвис постигна 27 поени, додека Никола Јокиќ 22.
Сега Лос Анџелес Лејкерс води со 2-1 во партии, а четвртата пресметка е закажана за петок сабајле во 3 часот по македонско време.