Денвер Нагетс со ужасен финиш си дозволија пораз кај Минесота во реприза на минатогодишното нивно соочување во полуфиналето на плеј-офот. „Волците“ славеа со 119:116.
Едвардс ги постигна решавачките поени, Гобер на 10 секунди до крајот реализираше две слободни фрлања, а потоа успеа доволно да му попречи на Јокиќ кој не успеа да избори продолженија.
Јокиќ го заврши натпреварот со 26 поени (8-16 од поле), 9 скока и 13 асистенции, Арон Гордон имаше 31 поен и 11 скока, Мајкл Портер Џуниор исто така постигна 31, а Џамал Мареј имаше 6 пред да ја напушти играта во третиот период, по судирот со Рендл.
Јокиќ стана првиот играч во историјата кој забележал најмалку 150 поени и по 50 скока и асистенции во првите 5 натпревари од сезоната.
„Мислам дека имавме 8 поени предност во последните три-четири минути, но не ги реализиравме добро нападите, практично ги промашив сите мои шутеви во последните две-три минути. Дадоа лесни поени, стигнаа до отворени позиции. Овој пораз е моја одговорност, морам подобро да ги вклучам соиграчите. Лош финиш за мене“, изјави Јокиќ.
„Волците“ ги предводеше Едвардс со 29 поени (11-23 од поле), Џулиус Рендл додаде 23 поени, а Гобер 17 поени и 14 скока.
Резултати:
Шарлот Хорнетс – Бостон Селтикс 109:124
Кливленд Кавалирс – Орландо Меџик 120:109
Детроит Пистонс – Њујорк Никс 98:128
Атланта Хокс – Сакраменто Кингс 115:123
Бруклин Нетс – Чикаго Булс 120:112
Торонто Репторс – Лос Анџелес Лејкерс 125:131
Њу Орлеанс Пеликанс – Индијана Пејсерс 125:118
Портланд Треил Блејзерс – Оклахома Сити Тандер 114:137
Табела:
