Дензел Вашингтон стана свештеник откако беше крстен во Њујорк

Дензел Вашингтон стана свештеник откако беше крстен непосредно пред неговиот 70-ти роденден на церемонија во црква во Њујорк.

Оскаровецот беше крстен во саботата во црквата „Кели Темпл“ во Харлем, Њујорк. Настанот беше пренесуван во живо на Facebook, а Вашингтон можеше да се види во бел фустан, потопен во ритуалниот базен на црквата каде му беше врачена крштеницата.

Церемонијата дојде неколку недели откако Вашингтон за магазинот Esquire изјави дека да се биде религиозен во Холивуд не е мода. Со оглед на тоа дека доби лиценца за свештеник, оскаровецот во иднина може да биде ракоположен.

Исто така, оваа лиценца ќе му овозможи на Дензел да врши помали верски служби, како што се венчавки.

На крштевањето на Вашингтон му се придружи и неговата сопруга Полет Вашингтон. Таа се бореше да ги задржи солзите додека зборуваше за тоа колку е горда што го придружува на ова патување.

Во интервју за Esquire во ноември, Вашингтон го опиша неговиот момент на религиозно будење во раните 80-ти во црква во Лос Анџелес.

„Се чувствував како да ме креваат нагоре. Имав чувство дека грбот ми е свиткан и очите ми се затворени. Не е како да лебдам во воздухот, но не можам баш да го опишам тоа. И мрмљав, и продолжив на мрмљам, затоа што бев исполнет со Светиот Дух“, раскажува Вашингтон.

Во истото интервју алудираше и на тешкотиите со кои се соочил бидејќи бил отворен за неговата религиозност во филмската индустрија: „Не можеш така да зборуваш и да добиеш Оскар. Не можеш така да зборуваш и да се забавуваш. Во овој град тоа не се кажува... Не се зборува за тоа... Не е модерно. Не е секси. Но, тоа не значи дека луѓето во Холивуд не се религиозни“.