Швајцарија ќе мора без офанзивецот да настапи на претстојните натпревари од Лигата на нации откако играчот на Ливерпул излезе позитивен на коронавирусот.
„Џердан Шаќири беше тестиран позитивен на COVID-19. Во консултација со здравствените власти, тој е ставен во изолација“, соопшти Швајцарската фудбалска федерација.
„Строгите заштитни мерки и барања на УЕФА за репрезентациите, а во согласност со UEFA Return to Play Protocol беа строго почитувани. Согласно ова, во моментов се вршат проверки со локалните здравствени власти околу тоа што понатаму“, додава СФБ. Стравувањата на Швајцарците се дека Шаќири можеби заразил некој од репрезентативните соиграчи.
Шаќири требаше да ѝ помогне на Швајцарија прво на пријателската утре со Хрватска, а потоа и во двата натпревара од Лигата на нации против великаните Шпанија и Германија.
Тој остана во Ливерпул иако не е во преден план кај Јирген Клоп во чиј состав, пак, деновиве позитивни излегоа и Садио Мане и Тијаго Алкантара.
