Пробајте го овој вкусен десерт по рецептот на Мартина Трајаноска.
Потребни состојки:
250 мл млеко/кисела вода
150 мл масло
150 гр шеќер
150 гр гриз
250 гр брашно
½ печиво
50-100 гр овошје
Начин на подготовка:
Соединете ги течните состојки, па додадете ги сувите. Убаво измешајте ја смесата и додадете го овошјето. Може да е свежо или замрзнато, но внимавајте овошјето да не е многу водено или да има многу мраз. Боровинки, малини или вишни би биле супер во колачов. Целата смеса префрлете ја во намрсена тава или хартија за печење. Зависно од големината, времето на печење би било различно. Овој колач се пече 35 мин на 150 степени, па уште 35 мин во исклучена рерна. Бидејќи е мал но висок колачот сака повеќе печење на потивка температура.
Откако ќе го извадите оставете го целосно да се излади најмалку 3-4 часа, а најдобро е да го оставите преку ноќ. Може да ставите прелив од црно чоколадо и хопла. Оставете го да се стегне, па прелијте го и со растопено бело чоколадо. Исто така може да не ставите гриз, но во тој случај додадете уште 50-100 гр брашно. Сепак гризот дава специфичен вкус, но може да се изостави.
