Колачот со вкус на портокал има прекрасен крем кој се прави посебно, мек е и сочен.
Бидејќи овој рецепт е со мак, да кажеме и збор-два за ова растение. Макот, познат и како афион, е исклучително богат со незаситени масни киселини, особено олеинска и линолна. Киселините го поттикнуваат разградувањето на витамините А, Д, Е и К. Содржи и oмега-6 масни киселини, кои се корисни за имунитетот. Богат е со железо и витамини од групата Б. Содржи и многу влакна, фосфор, манган, бакар и калциум, кои го намалуваат стресот и смируваат.
Потребни состојки:
- 150 гр путер
- 150 гр шеќер
- 3 јајца
- 180 гр брашно
- 1 лажичка прашок за печиво
- 1-2 лажици мак
- 1 лажица кора од портокал
- ½ лажичка екстракт од портокал
- 1 лажичка екстракт од ванила
- 60 мл млеко или сок од портокал
За кремот:
- 180 мл сок од портокал
- 1 цело јајце + 1 жолчка
- 1 лажица брашно
- 50 гр шеќер
- 50 гр путер
Подготовка:
Прво истурете ја жолчката, едно цело јајце, 180 мл сок од портокал, 50 гр шеќер и 1 лажица брашно во сад и изматете ги со жица за матење. Во изматената смеса додадете 50 гр путер и мешајте на средна температура околу 1 минута, додека смесата не се згусне. Истурете во сад, покријте го со пластична фолија и оставете го на страна.
Потоа во чист сад додадете 150 гр путер, 150 гр шеќер, кора од портокал и матете со миксер 3-4 минути. Потоа во смесата додадете 3 јајца и матете со миксер 1 минута. Се меша со шпатула и се просејува 180 гр брашно, па се додава лажичка прашок за печиво, мак и лажичка кора од портокал и се меша. Истурете го екстрактот од ванила, екстрактот од портокал, млекото и матете со миксер 20 секунди.
Оваа смеса истурете ја во тава за печење 20х20 см и израмнете ја со шпатула, па печете на 170 степени околу половина час. Префрлете сѐ на даска и со сламка направете вдлабнатинки. Намачкајте го колачот со кремот што го направивте. Посипете со мак и послужете.
