Слободниот викенд е одлична шанса да избегате од секојдневието и да прошетате до некоја атрактивна локација. Но кој град од светот е најубав за поминување на цел викенд во него?
Новото истражување на weekendGO ги одбра стоте најдобри градови во светот за посетители од сите возрасти и професии.
Во предвид беше земен сообраќајниот метеж, можноста и цената на ноќевање, безбедноста и имаше посебни ранкинзи за различните генерации.
На врвот на листата на десетте најдобри викенд-градови во светот се најде Лондон, а објаснувањето беше дека во Лондон секогаш има што да видите: концерти, театарски претстави, изложби и слично. Исто така, ноќниот живот беше оценет како најдобар во Европа.
На второто место се најде Берлин, како град кој е најпогоден за млади луѓе кои сакаат да се забавуваат, а место на листата, од истата причина, најде и Амстердам.
Целосната листа изгледа вака:
- Лондон
- Берлин
- Виена
- Хамбург
- Париз
- Амстердам
- Њујорк
- Минхен
- Барселона
- Мадрид
Единствениот град на листата кој не се наоѓа во Европа е Њујорк, кој ги доби поените поради добриот ноќен живот, културните настани и солидниот јавен превоз.
