Треба да го негуваме детето во себе. Децата знаат како да уживаат во животот многу подобро од возрасните.
Овие 10 лекции треба да ги научиме од децата.
1. Секој ден е нов почеток
Се сеќавате ли на онаа чувство кога крајот на школскиот ден е како нов почекот? Кога сме деца, секој ден ни се чини дека трае цела вечност, а секој нов ден значи нова можност за создавање на нови авантури, пријателства и учење нови работи. Децата не го носат товарот на грб. Тие секогаш почнуваат одново.
2. Бидете храбри
Пејте на глас. Танцувајте кога ви се танцува.
Детскиот ум не познава граници затоа што тие не се ограничени од стравот од неуспех. Тие одат напред со надеж дека ќе истраат и не знаат поинаку.
3. Смејте се секој ден
Децата се способни да најдат причина за радост насекаде околу нив. Забележете само колку се среќни кога ќе одат во шопинг центар или во парк.
4. Чувајте ги убавите пријателства
Децата се водат според правилото - колку повеќе, толку подобро. На секое место имаат пријатели, без разлика дали се на роденденска прослава, во ново училиште или во парк.
5. Пробувајте нови работи
Децата не се плашат да се обидат да пробаат нешто ново. Скокаат на трамболина, нуркаат во море, се искачуваат по стрмен рид, без оглед на тоа што сето тоа го прават за прв пат во животот.
Кога ќе пораснеме, се плашиме од непознатото. Не го напуштаме комфорот на нашиот дом, но кога ќе се впуштиме во некоја авантура се чувствуваме како повторно да сме се родиле.
6. Забележувајте ги ситниците
Децата се восхитуваат на едноставните работи кои ги забележуваат околу себе. Доколку и ние почнеме да ги забележуваме обичните работи со кои сме опкружени секој ден, животот би бил многу поубав.
7. Во ред е да побарате помош
Кога сте дете, вашиот живот зависи од поддршката и помошта од возрасните.
Без тоа, детето не може да живее самостојно.
Кога ќе пораснеме, тогаш сметаме дека сè можеме сами и не бараме помош. Тоа е малку тажно бидејќи кога ќе побараме помош ќе се чувствуваме поспособни и ќе постигнеме поголем резултат.
8. Не знаете сè
Со акумулирање на формалното образование имаме чувство дека знаеме сè. Меѓутоа, не сме во право. Човекот никогаш не треба да престане да биде љубопитен и да поставува едноставни прашања, баш како што прават децата.
9. Постои нов свет кој допрва треба да го откриете
Децата набљудуваат сè околу нив. Доколку излезете на прошетка со дете и на прошетка со возрасен, ќе ја забележите разликата. Како поминуваат годините, сè помалку ја забележуваме природата околу нас.
10. Пробувајте нови искуства и пред да бидете подготвени
Децата не читаат научни истражувања пред да се обидат да направат нешто ново. Тие ќе се обидат и потоа ќе набљудуваат што ќе се случи. Децата сакаат да го истражат она што не им е познато. Најпрво ќе кажат да, а потоа ќе смислат што да направат.
