Десетици лица се повредени кога патнички воз синоќа се судрил со товарен воз во близина на Прага, пренесуваат локалните медиуми.
Најмалку четири лица се пренесени во болница со сериозни повреди, објави агенцијата ЧТК, цитирајќи ги спасувачките служби.
Според некои извештаи, еден од машиновозачите починал.
Според првичните информации, патничкиот воз се судрил со поштенскиот сервисен воз на станицата Чешки Брод, на 30 километри од Прага.
Железничкиот сообраќај на оваа многу фрекфентна линија е во прекин.
Чешкиот министер за транспорт, Карел Хавличек, веднаш се упатил на местото на несреќата.
