Со дури 30 поени разлика заврши авантурата на Пистонс на гостувањето кај Гризлис.
Веднаш на почетокот на натпреварот Мемфис дојде до предност од 18 поени (30:12), а добрата игра од првата четвртина ја продолжи и во втората и на пауза замина со предност од 16 поени (62:46).
Дека Мемфис ќе запише победа беше јасно на почетокот на третиот период кога дополнително ја зголеми предноста, дојде до 30 поени предност и потоа само мирно го приведе натпреварот до крај забележувајќи 26-тата победа сезонава.
Најдобар во победничкиот тим беше Џа Морант кој постигна 22 поена, 9 скокови и 6 асистенции, следен од Дилон Брукс кој постигна 18 и Заир Вилијамс кој натпреварот го заврши со 14 поени. Забележителен настап имаше и Австралиецот Стивен Адамас кој беше најдобар кога станува збор за скокови, запишувајчи 14.
Во поразениот тим се истакна само Сејбен Ли кој постигна 14 поени.
Во останатите натпревари, кошаркарите на Феникс го победија ЛА Клиперс и први стигнаа до бројката од 30 победи сезонава. Најзаслужен за јубилејниот триумф за лидерот на Западот беше Камерон Џонсон кој постигна 24 поени.
Њујорк Никс - Бостон Селтикс 108:105
Мемфис Гризлис - Детроит Пистонс 118:88
Њу Орлеанс Пеликанс - Голден Стејт Вориорс 101:96
Феникс Санс - Лос Анџелес Клиперс 106:89