Тричковски постигна два гола и тоа од белата точка, по еднаш стрелаа Ѓорѓев, Положани, Ристовски, Имери, Јаховиќ и Костовски, а Спировски запиша асистенција.
Албанија
Ветеранот Артим Положани постигна прекрасен гол во 67-мата минута кога на својот Скндербеу му донесе израмнување кај Тирана. Сепак неговиот тим на крајот загуби со 3:1.
Израел
Стефан Спировски дебито за новиот тим Хапоел Тел Авив го зачини со одлична асистенција. Во 43-тата минута прекрасно го пронајде Марвин Пеерсман кој го отвори резултатот против Нес Циона. На крајот натпреварот заврши 1:1.
(на 0:44)
Кипар
Нови два гола за Иван Тричковски во кипарското првенство. Можеше да стигне и до хет-трик, но промаши еден пенал. Прво во 8-мата минута сам изнуди пенал кој за жал го изведе со слаб удар кој гостинскиот голман го одбрани. Во 39-тата минута конечно успешно реализирашпе пенал, а длабоко во судиското надполнување по третпат застана на белата точка постигнувајќи го својот втор гол.
(промашен пенал на 0:41, прв гол на 5:07, втор на 11:48)
Кипар
И Јован Костовски погоди на Кипар што за него е деби гол во новиот тим. Во 39-тата минута му донесе водство на Етникос на гости кај Докса, а на крајот натпреварот заврши 1:1.
(на 1:05)
Словачка
Милан Ристовски не престанува да постигнува голови. Овој пат Нитра го преслуша Похроние на гости, а нашиот интернационал го постигна својот петти сезонски гол кога во 66-тата минута ги постиави конечните 3:0.
(видеото можете да го погледнете тука, голот е на 3:47)
Словенија
Бесарт Абдурахими конечно проработе. По којзнае колку време постигна гол откако во 65-тата минута зголеми на 3:0 за својот Браво на гости против Рудар. На крајот неговиот тим славеше со 4:1.
(на 2:41)
Турција
Адис Јаховиќ го постигна својот трет гол во четвртиот настап за Малатијаспор. Во големата победа од 4:0 на гости кај Анкарагуџу Јаховиќ во отвори резултатот во 27-мата минута.
Украина
Демир Имери го постигна својот прв гол во дресот на Олимпик. Тој во 58-мата минута израмни на 1:1 носејќи му бод на својот тим на гостувањето кај Мариупол.
Швајцарија
Никола Ѓорѓев беше херојот на Грасхоперс откако благодарение на неговиот гол постигнат во 47-мата минута неговиот тим го победи со 1:0 Сервет и го елиминираше од понатамошната борба во Швајцарскиот куп.
(на 1:49)