21. МОДЕН ВИКЕНД СКОПЈЕ

[Дигитален Моден викенд Скопје] Блерта Османи е новата надеж на македонската модна сцена

Александра Спасеска
/ 21.05.2020 / 16:48

Оваа сезона на Моден викенд Скопје ја следиме дигитално, со смартфонот во рака и во далеку понегламурозно издание од она во кое би се појавиле пред фотографите на најголемиот моден настан кај нас.

За модните новинари и познавачи, тоа не ја прави возбудата побледа, ниту пак ентузијазмот за иднината на нашата модна сцена помал. Со нетрпение го очекуваме секое следно видео и фотографија објавени на социјалните мрежи на FWSK.

Ако има една колекција од оваа сезона на МВСК за која жалам што нема да ја видам како живее на писта, тоа е Vibrant Muse на младата и талентирана Блерта Османи.

Со диплома по економија и на пат да дипломира на отсекот за моден дизајн на American University of Europe – FON, Османи покажува дека ги има главните адути за успех во модниот бизнис. Со една колекција зад себе, 25-годишната креативка од Куманово првпат се претставува на МВСК и интригира од првиот кадар во видеото преку кое, како и сите други брендови и дизјанери сезонава, ја претстави колекцијата.

Инспирирана од мексиканската култура, уметноста и неповторливите автопортрети на Фрида Кало, таа раскажува една колоритна приказна со зрелост на изграден автор. Нејзините креации се вешто изработени до најситен детаљ, на моменти потсетувајќи на делата на руската дизајнерка Улијана Сергеенко и на светски познатиот моден двоец Dolce & Gabbana, но во нивната естетика се недвојбено индивидуални и го дефинираат нејзиниот сопствен стил.

Колекцијата составена претежно од фустани, една комбинација на кошула-корсет со кратки панталони и лежерна верзија на женскиот дводелен костим со панталони, не е само омаж на специфичниот стил на Кало – Османи има оставено повеќе од доволно од својот дизајнерски печат, посветувајќи еднакво внимание на силуетите и на рачните доработки и детали. Токму везовите го даваат оној специфичен спој на традиционална вештина во модерна форма, што ја прави оваа колекција впечатлива, а сепак нослива, а Османи - новата надеж на македонската модна сцена.

Нејзината целна публика се жени со слободен дух, страст за животот и смелост во модниот избор, кои не се плашат да се истакнат во толпата и сум сигурна дека со гордост ќе носат препознатлив домашен дизајн.

Remote video URL

Шминка: Farmasi и Марија Лазарова

Фризура: Revlon Professional

Фотографија: Света Богова Јовановска

Постпродукција: Греса Османи

Кастинг: Виктор Цветановски

Модели: Aндријана Илиоска, Ангела Анчевска, Ангела Ѓоргиева, Ивана Гелева Кони Маркова @ Podium Model Agency

Во соработка со: Skopje City Mall

Поддржано од: Lenor

Дигитален партнер: A1 Македонија

Сите колекции ексклузивно ќе бидат презентирани на социјалните мрежи, со премиера на снимените видеа и фотографии во партнерство со Skopje City Mall, а тука ќе ги читате критичките видувања за нив, низ призмата на модната блогерка и заменик-уредник на Kajgana.com, Александра Спасеска.

реклама

Пет знаци кои откриваат дека некој е на стероиди

Read more

Instagram убавици во бикини

Read more

Велешанка двапати силувана од соседот, напаѓачот е притворен

Read more

Осум знаци дека пиете премногу кафе

Read more

Стил

Патничките авиони ќе летаат како птиците во јато

Read more

Почна Модната недела во Лондон

Read more

Идеи и трикови за уредување на мала кујна

Read more

Четири фризури кои се во тренд оваа есен

Read more

Магазин

  • play_arrow

Осум знаци дека пиете премногу кафе

Читај повеќе

Како се прават 3 милиони лајкови за 12 часа? Прашајте ја Џеј Ло

Читај повеќе
  • play_arrow

Рецепт на денот: Лазања со пилешко месо

Читај повеќе

Безбедност на велосипедистите: Кога во Скопје ќе се вози со 30 км/ч?

Читај повеќе
  • play_arrow

Како пандемијата ни го поремети чувството за време?

Читај повеќе

3.000 евра за милениче: Пандемијата ја зголеми побарувачката за расни кучиња

Читај повеќе

Овие хороскопски двојки не се идеални, но може да успеат

Читај повеќе
  • play_arrow

Пет знаци кои откриваат дека некој е на стероиди

Читај повеќе

Објавени првите подетални вести за состојбата на Михаел Шумахер

Читај повеќе