Леонардо Дикаприо неодамна именуваше еден од новооткриените видови змии по неговата мајка.
Актерот Леонардо Дикаприо, кој на јавноста ѝ е познат и како активист за заштита на природата, ја доби честа да именува нов вид змии кој неодамна беше пронајден во панамската џунгла.
Змијата што јаде полжав актерот ја нарече Simon irmelindicaprioae по неговата мајка Ирмелин Инденбиркен, која често ја носи на церемониите за доделување награди. Видот на змии е исклучително редок и може да се најде во дрвјата на неистражената џунгла Чоко-Дариен, која се протега по должината на пацифичкиот брег на Колумбија и на север до Панама.
Дикаприо не е единствената личност која на змија ѝ дал име по своја сакана личност. Имено, истото го направил и инвеститорот и заштитник на природата Брајан Шет, кој на една од новооткриените змии ѝ го дал името на својата ќерка. Покрај овие змии, за време на истражувањето во Еквадор, Колумбија и Панама беа откриени уште три нови видови.
