Најпознатата италијанска новинарка и според многумина, најзгодна новинарка во светот, Дилета Леота наскоро ќе објави книга во која ќе опише многу непознати детали од нејзиниот живот. Меѓу тие детали е и раскинувањето со италијанскиот професионален боксер Даниелe Скардинa.
„Тоа беше голема љубов. Во книгата го нарекувам како моја љубов, иако сега сè е готовo, сепак немам право тоа да го избришам. Така се чувствував кога го пишував тоа“, изјави Леота за италијанските медиуми.
Токму некои италијански медиуми „заклучија“ дека Златан Ибрахимовиќ го освои срцето на русокосата новинарка. Нo, таа вели дека меѓу нив нема ништо освен професионален однос.
„Сега сум слободна и сакам да го искористам времето да се запознам себеси, да изгледам некој филм, а да не одговорам на никого. Златан? Никогаш не би била со оженет маж“, вели таа.
Одговарајќи на прашање за стереотипите во спортското новинарство кога станува збор за жените, таа вели дека воопшто не е лесно.
„На почетокот не беше лесно, колегата ми кажа дека ме вработиле само поради моите гради. Секако, не го напуштив затоа Sky, туку затоа што почувствував дека пазарот на сателитска телевизија почна да се менува“, заклучи Дилета.
