Македонскиот репрезентативец Ненад Димитријевиќ ќе го напушти Милано по завршувањето на сезоната. Димитријевиќ минатото лето како големо засилување пристигна во Олимпија.
Димитријевиќ минатата сезона блескаше во дресот на УНИКС од Казан и беше прогласен за МВП на руската лига.
За неговиот потпис се бореа неколку клубови од Евролигата, а тој реши да потпише за тимот на тренерот Еторе Месина.
Нема баш најдобра сезона во Евролигата, каде има просек од 7,9 поени, додека во првенството одигра 13 натпревари со просек од 8,5 поени.
Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.
