Додека научниците генерално веруваат дека голем астероид кој ја погодил Земјата пред речиси 66 милиони години придонел за глобалното истребување на диносаурусите, ново истражување од Кина сега покажува дека праисторискиот предатор можеби веќе бил исчезнат долго пред инцидентот.
Истражувачите од Кинеската академија на науките, заедно со нивните соработници, проучувале повеќе од 1.000 фосилизирани јајца и лушпи од диносаурус од басенот Шанјанг во централна Кина.
Овие фосили потекнуваат од секвенци на карпи со вкупна дебелина од околу 150 метри. Истражувачите дошле до детална проценка на староста на слоевите на карпите со анализа и примена на компјутерско моделирање на повеќе од 5.500 геолошки примероци.
Ова им овозможи на научниците да создадат временска рамка од речиси два милиони години на крајот на периодот на Креда, што го претставува периодот непосредно пред истребувањето. Оваа временска рамка овозможува директни споредби со податоци од целиот свет.
Податоците покажаа дека бројот на диносаурусите веројатно веќе бил во опаѓање на глобално ниво пред фаталниот удар на астероидот да резултира со нивно целосно истребување, според Science Alert.
Истражувачите сугерираат дека нивниот крах можеби е резултат на познатите глобални климатски флуктуации и масивни вулкански ерупции како оние на висорамнината Декан во денешна Индија.
