„20th Century Fox“, еден од најпознатите брендови во историјата на филмската ТВ индустрија веќе не постои, откако сопственикот The Walt Disney Company објави дека од денеска ќе се вика само „20th Television“.
Овој потег се случи откако Disney претходно го исфрли името Fox од сите свои филмови на 20th Century Fox во јануари. Disney минатата година склучи договор вреден 71 милијарда долари и го купи имотот на Fox.
„Познатото лого и насловна картичка, на којашто зборовите 20th Television поставени над рефлектор, ќе останат исти освен што зборовите „century’“ и „fox’“ ќе ги нема. Новите имиња и логоа на нашите студија означуваат нов ден за „ABC Signature“, „20th Television“ и „Touchstone Television“ и во исто време се оддава почит на нивната богата историја и креативна моќ на компанијата Walt Disney, рече претседателот на телевизиските студија Крег Хејнегс.
Новото лого и графика ќе се појават во новите епизоди на оваа ТВ куќа, кои ќе започнат да се емитуваат наесен.
Постарите наслови, кои веќе се емитуваа, ќе го задржат своето поранешно лого и име.
