На играчот на Монако не му се допадна одлуката на судијата да му додели директен црвен картон во судиското надополнување, па својот гнев го истури врз мониторот за ВАР.
Монако губеше со 1:0 на гости кај Сент Етјен, а домаќините имаа контра за втор гол во втората минута од судиското надполнување.
Тогаш на сцена стапи гостинскиот дефанзивец Рубен Агилар кој со фаул го спречи Денис Буанга да излезе сам пред голманот Бенжамен Леконт и да по вторпат да го матира.
(на 2:10)
Агилар сметаше дека црвениот е престрого досуден и треба да добие жолт, но од ВАР собата не му сугерираа на судијата Жером Бризар да оди да го гледа фаулот што очигледно го изнервира играчот.
Затоа, кога го напушташе теренот и минуваше крај мониторот наменет за судијата да гледа ВАР одлуки, со нога убаво го шутна.
Дефинитивно Агилар нема да помине само со автоматската суспензија од еден натпревар која се добива за исклучување. Го чека поголема, само колкава, дополнително ќе видиме.