По повод Денот на ослободувањето на Скопје, во рамките на манифестацијата „Денови на европско Скопје“, која е поддржана од страна на Град Скопје, и оваа година се реализираше конкурсот за новинарски текстови за Скопје, под наслов „Мостовите на Скопје“.
Наградите ги обезбеди делегацијата на Европската Унија и истите ги врачи Амбасадорот Дејвид Гир. Првата награда ја освои текстот „На другата страна...“ на Светлана Божиновска, новинарка во ТВ 24.
Втората награда му се додели на текстот „Рацете што ги спојуваат бреговите и нашите души“ на Јасмина Никова, новинарка во МРТ.
Третата награда отиде кај текстот под наслов „Скопје тече под сите мостови на Вардар“ на Светлана Блажевска, новинар во весникот „Вечер“.
Фото: Денови на Европско Скопје