Сочно месо што се распаѓа - докопанот крчкајте го во сос од вино и сенф.
Ако не можете да го замислите ручекот без месо, ви препорачуваме да пробате пилешко подготвено на овој начин. Можете да користите копани или докопани, а месото се крчка во миризлив сос од бело вино и сенф. Многу е едноставно, а како прилог можете да послужите претходно сварени тестенини. Сочниот докопан се подготвува брзо, а состојките не се многу скапи.
Потребни состојки:
- 4-5 копани или докопани (без коски)
- малку рузмарин
- 1 нишка магдонос
- брашно
- путер
- 1,5 виолетова главица кромид
- 2 чаши бело вино
- 2 лажици сенф
- тестенини по вкус
- 250 гр чери домати
Подготовка:
Зачинете го месото со сол и бибер, а потоа посипете брашно од двете страни. Во тава растопете го путерот, па пропржете го месото од двете страни. Извадете го од тавата, а потоа додадете го виолетовиот кромид исечкан на резанки. Кога ќе омекне, се прелива белото вино, се вари 5 минути, па се додаваат сенфот и рузмаринот, па се меша. Вратете го месото, покријте го, намалете го огнот и оставете уште 10 минути. Во меѓувреме сварете ги тестенините. Во готовото месо додадете ги чери доматите што претходно сте ги преполовиле и оставете ги на шпорет уште 5 минути. Украсете со сечкан магдонос.
