По смртта на поранешниот американски државен секретар Колин Пауел (84), кој имаше рак на крвта и според семејството бил целосно вакциниран, се поставуваат многу прашања за ефикасноста на вакцината.
Здравствените експерти се загрижени дека антиваксерите ќе го искористат фактот дека Пауел умрел од Ковид иако бил вакциниран, за да тврдат дека вакцината против Ковид е неефикасна. Ако сепак можно е да умрете откако сте вакцинирани против COVID-19, која е целта да ја примите вакцината?
Медицинскиот аналитичар на CNN, д-р Леана Вен, лекар и професор по јавно здравје на Универзитетот Милкен, даде одговори на некои од најчестите прашања за ефикасноста на вакцината и причината за вакцинацијата.
Кога ќе се види дека и вакцинираните луѓе умираат од COVID-19, потребно е дополнително објаснување за да им биде појасно на луѓето дека сепак треба да се примаат вакцини.
„Мораме да почнеме со науката и со она што го покажуваат истражувањата. Вакцините против COVID-19 се исклучително ефикасни во спречување на болеста, особено тешка форма на болеста. Најновите податоци од американскиот Центар за контрола и превенција на болести (CDC) покажуваат дека вакцините ја намалуваат можноста за позитивно тестирање за COVID-19 за шестпати и веројатноста за смрт за 11 пати“, рече д-р Ван и објасни:
„Ова значи дека ако сте вакцинирани, имате шестпати помала веројатност да добиете COVID-19 отколку луѓето кои не се вакцинирани. И 11 пати помала веројатност да умрeте од COVID-19 во споредба со невакцинирано лице. Тоа е навистина одлично“.
„Ниту една вакцина не штити 100 проценти“
Таа, исто така, истакна дека вакцините против COVID-19 не штитат 100 проценти. Ниту една вакцина не го прави тоа, речиси ниту еден медицински третман не е 100 проценти ефикасен. Ова не значи дека вакцината не делува или дека не треба да ја примите.
„Точно е дека некои луѓе имаат поголема веројатност да имаат тешки исходи поради COVID-19, и покрај вакцинацијата. Врз основа на она што го научивме, генералот Пауел спаѓа во таа категорија. Знаеме дека луѓето кои се постари и имаат основни здравствени состојби имаат поголема веројатност да заболат од тешка форма на болеста и да умрат иако се вакцинирани. Луѓето со ослабен имунитет се изложени на посебен ризик. Мултипниот миелом спаѓа во таа категорија, а на тоа треба да се додаде и постарата возраст, што дополнително го зголеми ризикот“.
Треба да се има предвид дека ова е една од причините зошто се препорачува бустер доза. Уште во август, федералните здравствени експерти препорачаа луѓето со умерено или сериозно ослабен имунитет, кои примале Pfizer или Moderna, да примат трета доза.
Тие предупредија дека и со дополнителна доза, луѓето со ослабен имунолошки систем треба да преземат дополнителни заштитни мерки. Тоа е затоа што оваа категорија на луѓе е особено подложна на тешка форма на болеста.
Д-р Вен претходно рече дека „вакцините најдобро функционираат кога сите ги примаат“ и сега ја задржува таа позиција.
„Замислете ја вакцината против COVID-19 како мантил. Многу добро ве заштитува од дожд, но ако сте во невреме, а потоа дојде ураган, има многу поголеми шанси да се навлажни. Тоа не значи дека вашиот мантил е лош. Ова значи дека сте во лоши временски услови, а самиот мантил можеби не секогаш ве штити. Да се биде околу многу вируси ги зголемува шансите да се заразите. Проблемот не е во вакцината, туку во тоа што околу вас има премногу вируси“, вели докторот.
Клучно е што повеќе луѓе да се вакцинираат. Ова ја намалува вкупната стапка на инфекција и на крајот ги штити сите. И, ако сте во област каде што има многу вируси, носењето маска во затворени преполни простори додава дополнително ниво на заштита.
И не треба да заборавиме дека луѓето се вакцинирани и за заштита на најзагрозените, кои се изложени на најголем ризик од тешки последици.
Студијата спроведена во 13 држави во текот на шест месеци покажа дека целосно вакцинираните лица сочинуваат само четири проценти од сите хоспитализации со COVID-19.
Според студијата на CDC, невакцинираните луѓе имаат 17 пати поголема веројатност да бидат хоспитализирани со коронавирус отколку целосно вакцинираните. Оние кои завршуваат во ситуација која бара хоспитализација се почесто постари и/или имаат повеќе основни здравствени состојби.
За оние кои не веруваат дека вакцината е ефикасна, д-р Вен би ги замолил да разгледаат други аспекти на медицината.
„Да речеме дека некој има срцева болест. Постојат лекови за лекување на срцеви заболувања, но тие не се 100 проценти ефективни - ништо не е. Само затоа што некој ќе заврши во болница не значи дека не треба да ги зема лековите“, рече д-р Вен, додавајќи:
„Или да користам пример за превенција. Да речеме дека некој што се храни здраво и многу вежба, сепак завршува со висок крвен притисок и дијабетес. Ова не значи дека исхраната и вежбањето не се добри. Тоа само значи дека можете да ги преземете сите правилни чекори за да ја спречите болеста, но понекогаш, сепак може да ја добиете болеста “.
