Кошаркарите на Денвер Нагетс ги совладаа Индијанa Пејсерс со резултат 121:106, при што клучна улога одигра Никола Јокиќ.
„Џокерот“ уште еднаш ги предводеше Денвер Нагетс до победа, овојпат над Индијана со учинок од 32 поени, 14 скока и 5 асистенции.
Тоа беше негов 35-ти дабл-дабл учинок во сезоната.
Пејсерс беа незгоден домаќин и пружаа исклучително силен отпор до последната четвртина. Да ја погледнеме само првата четвртина, во која и двата тима постигнаа по 32 поени, а Индијана постигна дури седум тројки во тој период.
Јокиќ не беше премногу активен во шутирањето во овој дел, најчесто шутираа Бартон и Портер Џуниор, но и погодија, така што Нагетс направија серија од 25:5 кон средината на вториот период и имаа огромна предност од 57:37.
Пејсерс успеаја да се консолидираат и намалат на 65:56 пред да влезат во третата четвртина, каде благодарение на Даг Мекдермот и Малком Брогдон дури и направија пресврт и стигнаа до водство од 91:87.
Нагетс беа збунети во тој дел од натпреварот, а еве како изгледаше еден од тие напади, кој Никола Јокиќ мораше да го реши со очајнички шут.
Се чинеше дека Индијана ќе може да стори нешто, но останаа „без гориво“ и Нагетс не го пропуштија подарокот.
Четвртата четвртина ја започнаа со серија од 22:2, а единствените поени за Индијана во таа серија на Денвер ги постигна Домантас Сабонис. Нагетс на тој начин стигнаа до 23-та победа во сезоната без некои поголеми проблеми.
Јокиќ беше лидер со 32 поени и 14 скока, Бартон и Портер имаа по 20, а Мареј и Грин по 16. Од друга страна, 24 поени на Брогдон, 19 на Холидеј, 17 на Леверто и Сабонис постигнаа 10 со 10 асистенции и 9 скока.
Шарлот - Сакраменто 122:116
Вашингтон - Милвоки 122:133
Детроит - Сан Антонио 99:109
Бруклин - Њујорк 117:112
Далас - Клиперс 99:109
Феникс - Мемфис 122:99
Денвер - Индијана 121:106
Голден Стејт - Лејкерс 97:128