Голманот на Милан, Џанлуиџи Донарума одговори на голем број прашања поставени од навивачите преку Instagram.
– Мојот омилен фудбалер отсекогаш бил Кака. Мојата соба беше исполнета со негови постери, па дефинитивно Кака. Успеав лесно да се справам со напнатоста на моето деби со тоа што останав смирен. Јас секогаш го давам својот максимум. Најдобрата одбрана на која можам да се сетам во моментов , е онаа на Џида против Ајакс во Лигата на шампионите. Со целосна почит кон двајца шампиони како Абијати и Роси, вели младиот Џиџи.
Тој потоа откри од кого најмногу стравува на теренот.
– Сум се соочил против некои одлични напаѓачи, но најмногу се плашам од Кристијано Роналдо. Мојата голема цел е онаа што ја постави клубот на почетокот на сезоната. Што се однесува до личното ниво, секогаш да давам сѐ од себе и се трудам да примам што е можно помалку голови. Најголемата емоција беше при освојувањето на италијанскиот Суперкуп. Тоа беше мојот прв трофеј, така што никогаш нема да го заборавам, додаде Донарума.
