Словенецот Лука Дончиќ одигра феноменален натпревар во победата на Далас Маверикс против Портланд Трејл Блејзерс од 137:131.
После 5 натпревари пауза поради повреда Лука Дончиќ се врати на паркетот и веднаш блесна. Постигна дабл-дабл од 36 поени со 13 асистенции и 7 скока и беше најзаслужен за победата на Мавс против Блејзерс, а го следеа Куентин Грајмс со 28 поени, 5 скока и 3 асистенции и Спенсер Динвиди со 20 поени и 5 асистенции. Дениел Гафорд додаде 19 поени со 4 скока и асистенции, а ПиЏеј Вошингтон го заврши натпреварот со 14 поени, 6 асистенции и 3 скока. Двоцифрен беше и Џејден Харди со 13 поени и 3 скока.
Кај Блејзерс најдобар беше Анферни Симонс со 27 поени, 5 асистенции и 3 скока, додека Канаѓанецот Шејдон Шарп додаде 22 со 4 скока и 3 асистенции. Израелецот Дени Авдија постигна 21 поен со 4 скока и 2 асистенции, а Бахамецот Деандре Ајтон додаде 18 со 7 скока и 3 асистенции. Белгиецот Тумани Камара мечот го заврши со 17 поени, 7 скока и 4 асистенции, а двоцифрен беше и Џерами Грант со 14 поени, 6 асистенции и 5 скока.
Одличен меч одигра и Никола Јокиќ, но неговиот Денвер беше поразен од Клиперс со 126:122. Србинот имаше трипл-дабл од 28 поени, 14 скока и 11 асистенции, а Канаѓанецот Џамал Мареј додаде 18 поени со 7 асистенции.
Мајкл Портер исто така постигна 18 поени со 7 скока, додека Порториканецот Џилиан Ли Строутер додаде 15 со по 2 скока и асистенции, а Пејтон Вотсон заврши со 13 поени, 5 скока и 2 асистенции. Крисчн Браун мечот го заврши со 11 поени, 7 скока и 2 асистенции, а двоцифрен беше и Арон Гордон со 10 поени и 4 асистенции.
Џејмс Харден ги предводеше Клиперс до победата со 39 поени, 11 асистенции и 9 скока, додека Норман Пауел додаде 28, а Теренс Ман мечот го заврши со 15 поени и 3 скока. Двоцифрен беше и Амир Кофи со 13 поени и 5 скока.
И конечно, во вечерното дерби Кливленд го победи Бостон со 115:111 и стигна до 18-тата победа сезонава и им го нанесе четвртиот пораз сезонава на Селтикс.
До победата ги предводеше Донован Мичел со 35 поени, 7 скока и 3 асистенции, а го следеше Дариус Гарланд со 22 поена, 8 асистенции и 5 скока, додека Карис ЛеВерт постигна 13 поени и 6 скока. Жорж Нианг додаде исто толку поени, но со 2 скока.
Во редовите на поразениот тим најдобар беше Џејсон Тејтум со 33 поени, 8 скока и 4 асистенции, додека Пејтон Причард додаде 24 со 7 скока и 3 асистенции. Литванецот Кристапс Порзињѓис постигна 21 поен со 8 скока и 2 асистенции, а двоцифрен беше и Сем Хаузер со 13 поени, 5 скока и 2 асистенции.
Резултати:
Бруклин Нетс - Орландо Меџик 92:100
Мемфис Гризлис - Индијана Пејсерс 136:121
Кливленд Кавалирс - Бостон Селтикс 115:111
Њујорк Никс - Њу Орлеанс Пеликанс 118:85
Торонто Репторс - Мајами Хит 119:116
Хјустон Рокитс - Оклахома Сити Тандер 119:116
Јута Џез - Лос Анџелес Лејкерс 104:105
Портланд Треил Блејзерс - Далас Мааверикс 131:137
Сакраменто Кингс - Сан Антонио Спарс 125:127
Лос Анџелес Клиперс - Денвер Нагетс 126:122
Табели:
