Лука Дончиќ продолжи да брилјира сезонава играјќи нова партија за паметење со која влезе во историјата на НБА.
Далас Маверикс ја запиша четвртата последователна победа и тоа против Бруклин Нетс со 96:94, а Дончиќ и деветти натпревар по ред успеа да уфрли барем 30 поени.
Дончиќ беше и најефикасен на натпреварот во „Американ Ерлајнс Сентр“ арената во Далас, оставајќи го зад себе Кевин Дурент со 26 поени. Никој друг не ја надмина границата од 20 поени, но дабл-дабл учинот му појде од рака на Николас Клакстон од редовите на гостите со 10 поени и 14 скокови.
Против Нетс словенечкото чудо забележа 36 поени со 6 скокови и исто толку асистенции. Пред овој натпревар уфрлуваше 32, 35, 37, 41, 31, 44, 33 и 35 поени, соодветно.
Неговата низа е втора најдолга во историјата на НБА лигата, а најдобра во последните 60 години откако Вилт Чејбрлејн во сезоната 1962/1963 одигра 23 последователни натпревари од почетокот на сезоната во кој постигна 30 или повеќе поени.
Рекордот на легендарниот Чејбрлејн е прилично голем, но како игра Словенецот не би нѐ изненадило доколку успее да го сруши. Сѐ уште не е ни до пола од рекордот на Чејбрлејн, има 9 од 23, значи му недостасуваат уште 14 натпревари со барем 30 поени, па останува да видиме до каде ќе успее да стигне и дали можеби ќе стане новиот рекордер.
Инаку, ноќеска се одиграа дури 15 натпревари во најдобрата кошаркарска лига во светот, а интересно, ниту еден не беше одлучен на продолженија. Натпреварот во кој играше Дончиќ беше единствениот во кој ниту еден тим не стигна до 100 поени.
Резултати:
Шарлот Хорнетс - Вашингтон Визардс 100:108
Органдо Меџик - Хјустон Рокитс 127:134
Детроит Пистонс - Оклахома Сити Тандер 112:103
Идијана Пејсерс - Њу Орлеанс Пеликанс 129:122
Филаделфија 76ерс - Феникс Санс 100:88
Атланта Хокс - Милвоки Бакс 117:98
Мајами Хит - Портланд Треил Блејзерс 107:110
Чикаго Булс - Торонто Репторс 111:97
Менмфис Гризлис - Бостон Селтикс 106:109
Минесота Тимбервулвс - Њујорк Никс 107:120
Сан Антонио Спарс - Денвер Нагетс 109:115
Далас Маверикс - Бруклин Нетс 96:94
Голден Стејт Вориорс - Сакраменто Кингс 116:113
Јута Џез - Лос Анџелес Лејкерс 139:116
Лос Анџелес Клиперс - Кливленд Кавалирс 119:117
Табела: