Лука Дончиќ е во одлична форма на подготовките со Словенија за Европското првенство, а кошаркарот на Далас Маверикс особено воодушеви со неговата физичка кондиција и променет изглед.
На пријателскиот натпревар на Словенија против Италија тој постигна 12 поени, со 7 скока и 5 асистенции, а неговите фанови не можеа, а да не забележат дека за разлика од минатата претсезона, овојпат изгледа речиси беспрекорно.
Дончиќ беше добар, силен, агилен и брз, за разлика од претходната претсезона, кога по паузата редовно се враќаше со вишок килограми. Премногу опуштање во текот на летото беше една од работите за кои на Дончиќ најмногу му се замеруваше, а сега изгледа ги смени навиките.
На нешто повеќе од два месеци до почетокот на Европското првенство, каде репрезентацијата на Словенија сака да се бори за медали и е еден од фаворитите, Дончиќ делува целосно подготвен да ја предводи својата селекција до уште еден голем успех.