Кошаркарите на Далас Маверикс и Бостон Селтикс се пласираа во финалето од НБА плеј-офот со исфрлање на минатогодишните финалисти Феникс Санс и Милвоки Бакс.
Далас го совлада Феникс на гости со 123:90 и со тоа се пласираше во финалето на Западната конференција победувајќи со 4:3 во серијата подобар од 7.
Маверикс до победата ги предводеше одличниот Лука Дончиќ, кој постигна 35 поени со 10 скока, додека пак, во редовите на минатогодишниот вицешампион подобар од останатите беше Камерон Џонсон со 12 поени.
И минатогодишниот шампион Милвоки испадна, и тоа од Бостон. Селтикс на домашен терен славеа со 109:81 и се пласираа во финалето на Истокот со вкупни 4:3.
Најефикасен во редовите на Бостон беше Грант Вилијамс со 27 поени и 6 скока, додека пак Јанис Адетокумбо на другата страна постигна 25 поени со 20 скока и 9 асистенции.
Далас Маверикс во финалето на Западот ќе игра против Голден Стејт Вориорс, додека финалисти на Истокот се Бостон Селтикс и Мајами Хит.