Голема победа оствари Далас на гостувањето во Лос Анџелес каде предводен од расположениот Словенец го совлада Клиперс.
Синоќа почна плеј-офот во НБА лигата, а љубителите на кошарката имаа можност да проследат четири возбудливи натпревари.
Големо изненадување се случи во „Стејплс Сентр“ арената во Лос Анџелес каде Далас Маверикс со 10 поени разлика триумфираше над домаќинот Лос Анџелес Клиперс и поведе со 1-0 во партии.
На паркетот брилјираше Лука Дончиќ кој оствари трипл-дабл учинок со 31 поен, 11 асистенции и 10 скокови. Тим Хардавеј уфрли 21 поен, додека Дориан Фини-Смит 18.
Во поразениот табор 26 поени запиша Каваи Ленард, додека Пол Џорџ реализираше 23.
Резултати:
Милвоки Бакс - Мајами Хит 109:107 прод. (1-0)
Лос Анџелес Клиперс - Далас Маверикс 103:113 (0-1)
Бруклин Нетс - Бостон Селтикс 104:93 (1-0)
Денвер Нагетс - Портланд Треил Блејзерс 109:123 (0-1)