Најдобриот кошаркар на Далас Маверикс, Лука Дончиќ, се повреди на почетокот на НБА плеј-офот, објави ESPN.
На 23-годишниот Словенец му беше извршен преглед со магнетна резонанца, при што беше откриено истегнување на мускул на потколеницата на левата нога.
Тој се повреди на натпреварот од регуларниот дел од сезоната против Сан Антонио Спарс (130:120) одигран вчера.
Времето за закрепнување не е прецизирано, но Далас очекува дека кошаркарот ќе може да настапи на првиот натпревар од првото коло од плеј-офот против Јута, кој ќе се одигра на 16 април.
Во тековната сезона, Дончиќ настапи на 65 натпревари, со просек од 28,4 поени, 9,1 скока и 8,7 асистенции по натпревар.