Лука Дончиќ синоќа во шокантен трејд ги напушти Далас Маверикс и стана нов кошаркар на Лос Анџелес Лејкерс.
Сигурниот НБА инсајдер, Шамс Чаранија, објави дека целиот трејд што го донесе Ентони Дејвис во Далас била строго чувана тајна и дека ниту Дончиќ ниту Дејвис не знаеле ништо за тоа.
Многумина веруваат дека Дончиќ има право да се лути затоа што челниците на Далас само му рекле да си ги спакува куферите иако тој е нивната најголема ѕвезда од заминувањето на Дирк Новицки, но во отвореното писмо што го испрати, тој излезе како џентлмен и само зборуваше во суперлативи за Маверикс.
Прво, тој им се заблагодари на навивачите за поддршката во изминатите седум години.
„Пред седум години дојдов овде како тинејџер за да го исполнам мојот сон да играм кошарка на највисоко ниво. Мислев дека тука ќе ја поминам кариерата и многу сакав да ви ја донесам титулата. Северен Тексас го напреавивт6е дом за детето што од Словенија прв пат дојде во САД. Вашата поддршка не се менуваше во добрите и во лошите моментиу, од повреди до НБА финале. Ви благодарам, не само што ја делевте мојата среќа во најдобрите моменти, туку и затоа што ме подигнувавте кога тоа беше потребно“.
Тој потоа му се обратил на клубот со писмо.
„Ви благодарам што ми дозволивте да бидам дел од вашата важна работа. Сега започнувам ново поглавје во мојата кариера и заминувам од град кој секогаш ќе биде мој дом. Далас е посебно место, а фановите на Мавс се посебни. Ви благодарам од сѐ срце“, порача Дончиќ.
