По дебалкот вчера, Словенецот ноќеска повторно брилјираше и му донесе победа на Далас против третопласираниот на Истокот.
Во „Американ Ерлајнс Сентр“ салата во Далас домашните Маверикс иако во последната четвртина влегоа со негатива која гостите од Милвоки од почетокот ја одржуваа менувајќи го водството со домаќините, на крајот со една фуриозна завршница дојдоа до триумфот од 15 поени разлика.
Расположени на паркетот беа Европјаните, и тоа Лука Дончиќ, кој натпреварот го заврши како најефикасен со 27 поени, но одличен беше и Латвиецот Кристапс Порзињѓис кој запиша дабл-дабл со 26 поени и 17 скокови. А, пак, Словенецот имаше и по 9 скокови и асистенции.
Кај поразениот тим се истакнаа Донте ДиВинченцо со 22 поена и Боби Портис со 20.
Далас и натаму никако да мрдне погоре од тоа 7. место на Западот, сега со скор од 29-22, а пред него е Портланд со 30-21. Милвоки, пак, е трет на Истокот со 32-19.
Резултати:
Мајами Хит - Лос Анџелес Лејкерс 110:104
Торонто Репторс - Чикаго Булс 113:122
Оклахома Сити Тандер - Кливленд Кавалирс 102:129
Далас Маверикс - Милвоки Бакс 116:101
Лос Анџелес Клиперс - Феникс Санс 113:103
Сакраменто Кингс - Детроит Пистонс 101:113
Јута Џез - Портланд Треил Блејзерс 122:103
