Џон Џонс (35) и Сирил Гејн (32) ќе се борат за титулата шампион во тешка категорија во сабота во Лас Вегас на УФЦ настанот 285.
Во пресрет на натпреварот, најмногу се зборува за чудесната трансформација што му се случи на Џонс, еден од најголемите борци на сите времиња.
Ова ќе биде враќање на Џонс во октагонот по повеќе од три години, и тоа во тешка категорија откако 12 години беше во полутешка категорија.
На социјалните мрежи се појавија фотографии од официјалната фотосесија на УФЦ, на кои е видна разликата во телото на Џонс додека се бореше во полутешка категорија и новиот изглед за пресметката во тешка категорија со Гејн.
Џонс претходно имаше една борба во тешка категорија, но во 2008 година, така што ова ќе биде ново искуство за еден од најдобрите борачи во историјата.
Да потсетиме, тешката категорија остана без шампион откако Френсис Нгану си замина од УФЦ.
Еден од кандидатите за борбата беше Стипе Миочиќ, кој потврди дека преговарал со УФЦ.
Сепак, на крајот УФЦ одлучи Гејн да биде ривал на Џонс.
