Изјавите на двајца доктори во француската национална телевизија LCI, во која тие предложија тестирање на вакцината BCG во Африка, за да се тестира способноста и лекувањето на коронавирусот, ги налути светски познатите фудбалери со африканско потекло како Дидје Дрогба и Самуел Ето.
Тие започнаа дебата на социјалните мрежи во која го споделија видеото на двајцата лекари Жан Пол Мира и Камил Лохт. Под него, играчите упатија навреди кој медицинските лица, како и кон сите Европејци.
„Ку***ни синови, Африка не е ваше игралиште“, напиша Самуел Ето.
Поранешниот фудбалер на Челси, Демба Ба, исто така, се придружи на разговорот:
„Добредојдовте во западниот свет, каде што белците се сметаат за такви супериорни суштества што расизмот станува банален“.
Дрогба, исто така, не молчеше.
„Африка не е лабораторија, луѓето таму не се свињи за тестирање. Овие зборови на лекарите се одвратни. Не смееме да го трпиме ова“.
