Расел Вестбрук одлично го заврши регуларниот дел од сезоната на НБА, но неговиот плејоф започна очајно.
Вашингтон ги загуби и двата први натпревара од првото коло во плејофот од Филаделфија, и при крајот на вториот натпревар, кој Сиксерс убедливо го добија со 120:95, домашен навивач го налути Вестбрук.
Суперѕвездата на НБА, кој неодамна собори скоро 50-годишен рекорд за број на трипл-дабл учиноции ја заврши регуларната сезона со трипл-дабл просек по натпревар и како најдобар асистент во лигата, го свитка глуждот во последната четвртина од вториот плејоф натпревар.
Додека со куцање излегуваше од теренот во Филаделфија, домашен навивач фрли со пуканки кон него од трибините.
Вестбрук целосно полуде на ваквиот потег. Дури шестмина чувари едвај го спречија да се пресмета со непристојниот навивач. Се чини дека Вестбрук од нервоза и под адреналин заборави дека е повреден и енергично се бореше против сите шестмина.
