Холивудскиот актер Џуд Ло за потребите на својата нова улога се одлучил на необичен потег создавајќи парфем што мириса на крв, пот и измет.
На прес-конференцијата одржана вчера на Канскиот филмски фестивал, актерот откри дека создал парфем за подобро да ја прикаже улогата на кралот Хенри VIII во новиот филм „Firebrand“.
Според него, тој сакал да ги прикаже последните денови на покојниот монарх со неговата шеста и последна сопруга Кетрин Пар, која ја игра шведската актерка Алисија Викандер.
„Прочитав неколку интересни извештаи дека можеле да го намирисаат Хенри три соби подалеку. Ногата му била многу скапана. Ја сокривал со масло од рози. Мислев дека ќе имаме големо влијание ако мирисам ужасно“, објасни Ло на конференцијата.
Според што се наведува, тој нашол експерт кој му ги искомбинирал овие мириси, а режисерот на филмот, Карим Аинуз, се присетил на неговиот мирис кој се шири на сетот, велејќи дека било навистина ужасно.
