Полскиот претседател Анджеј Дуда ги критикуваше лидерите на Франција и Германија бидејќи го продолжуваат дијалогот со рускиот претседател Владимир Путин и покрај инвазијата на Москва врз Украина.
„Згрозен сум од сите овие разговори со Путин, предводени од канцеларот (Олаф) Шолц и претседателот Емануел Макрон. Овие разговори не постигнуваат ништо“, изјави Дуда за германскиот весник Bild во интервју објавено на YouTube во средата.
Дуда рече дека разговарањето со Путин е „еден вид легитимизација на лицето одговорно за злосторствата извршени од руската армија во Украина“.
Самиот Путин е одговорен за испраќање на својата војска во Украина, рече Дуда, додавајќи дека го поддржуваат неговите воени команданти.
Полскиот лидер рече дека ситуацијата е споредлива со Адолф Хитлер во Втората светска војна.
„Дали некој зборуваше вака со Адолф Хитлер за време на Втората светска војна?“, праша тој. „Дали некој рече дека мора да си го обели образот? Дека работите мора да се направат на начин што нема да го понижи Адолф Хитлер?“, праша полскиот претседател.