Кога станува збор за светскиот бокс-офис во време на пандемија, филмот „Dune“ на режисерот Денис Вилено заработи 76 милиони долари, солидна цифра со оглед на тоа што многу земји низ светот бавно закрепнуваат од пандемијата на COVID-19.
Сепак, буџетот на филмот е 165 милиони долари, што значи се уште не е достигнат посакуваниот профит. Филмот уште не е прикажан во САД, на 22 октомври ќе биде прикажан на HBO Max.
Во главните улоги се појавуваат Тимоти Каламет, Зендаја и Оскар Ајсак. Кон крајот на октомври филмот ќе биде прикажан и во Кина.
Dune изненади во Русија со заработка од 4.9 милиони долари, пишува Variety. Потоа следи Франција со 4.2 милиони долари, додека во Германија заработи 3.4 милиони долари.
Кога се работи за понови пазари, во ОАЕ заработи 1 милион долари, додека во Саудиска Арабија филмот оствари заработка од 969.000 долари.
Dune премиерно беше прикажан на Филмскиот фестивал во Венеција на 3 септември. На меѓунарoдно ниво беше прикажана на 15 септември. Во САД и Канада ќе биде прикажан на 22 октомври.
