Претседателот на Филипините нема намера да ги повлече своите бродови од поморските територии кои Кина тврди дека се нејзини, а тензиите во овој дел од Јужното Кинеско Море растат од ден на ден.
Денеска Родриго Дутерте ѝ се обрати на јавноста упатувајќи порака дека не ги прифаќа кинеските барања и ќе продолжи со борбата за групата острови и гребени во Јужното Кинеско Море поради кои Филипините и Кина водат спор.
„Ние црвсто стоиме тука и сакам повторно да кажам дека нашите бродови нема да се поместат ниту сантиметар наназад. Нема да се повлечам, дури и по цена да ме убиете. Нашето пријателство завршува тука“, рече тој.
Во април кина побара од Филипините да ги тргнат своите бродови од спорните води и ја повика Манила да престане да презема акции кои ја компликуваат ситуацијата и го ескалираат спорот.
Дутерте важеше за човек близок до Пекинг и беше многу критикуван поради тоа, но овој спор се чини ги менува работите. Претходно дури и се закани дека ќе испрати воени бродови во спорните води.
Во средата воените сили на Филипините покренаа узбуна пријавувајќи дека 287 кинески воени бротчиња навлегле во филипински води, но според Кина нејзините бротчиња биле во кинески води.
Проблемот во Јужното Кинеско Море не завршува само со Кина и Филипините бидејќи за делови од спорната поморска територија тврдат дека им припаѓа и Виетнам, Малезија, Тајван и Брунеј.
