Англиските репрезентативци Мејсон Маунт и Бен Чилвел дефинитивно мора да одат во изолација, објави Англискиот фудбалски сојуз.
Маунт и Чилвел одат во изолација затоа што биле во близок контакт со заразениот шкотски репрезентативец Били Гилмур. Во изолација ќе бидат заклучно со 28 јуни.
Тоа значи дека ќе ја пропуштат вечерашната средба на Англија и Чешка, а можеби и осминафиналето. Ако Англија победи и на тој начин заврши прва во групата, Маунт и Чилвел ќе можат да играат затоа што тогаш нивниот осминафинален натпревар ќе биде закажан за 29 јуни.
Сепак, ако Англија загуби или ремизира вечерва, осминафиналето на реваншот ќе се одигра на 28 јуни, што значи дека Маунт и Чилвел нема да можат да настапат.
Англија и Чешка играат вечерва во 21 часот, паралелно со натпреварот меѓу Хрватска и Шкотска.