Британската нискобуџетна авиокомпанија Easy Jet во втората половина од годината ќе лета со 30% намален капацитет и со самото тоа ќе укине околу 4.500 работни места и ќе го намали бројот на авиони поради пандемијата на новиот коронавирус.
BBC пишува дека авиокомпанијата на почетокот на годината имала 150.000 вработени во осум европски земји.
Во втората половина од годината ќе летаат со околу 30 проценти од вкупниот капацитет, т.е со 302 авиона што е 51 авион помалку од планираната цел на компанијата.
Од компанијата истакнаа дека продолжуваат со преговорите за да ги продадат авионите со цел да набават дополнителни средства. Проценката е дека со продажбата може да заработат помеѓу 500 и 650 милиони фунти.
Помеѓу најпогодените од корона-кризата се авиокомпаниите. Ryanair, British Airways и Virgin Atlantic уште во април најавија дека ќе го намалат бројот на вработени за вкупно 18.000.