Еден од најскапите филмови во историјата: Бред Пит во улога на Ф1 возач

Конечно, познати се уште неколку детали за долгоочекуваниот филм во кој Бред Пит игра Формула 1 возач.

Во пресрет на Големата награда на Велика Британија во Силверстон, на официјалната веб-страница на Формула 1 беше објавен насловот на претстојниот филм на Бред. Филмот се вика „F1“, а во кината би требало да пристигне во текот на летото 2025 година.

Бред всушност се вратил во Нортхемптоншир за да сними повеќе материјал за филмот и бил снимен во костум за Ф1 возачи. Поради штрајковите низ Холивуд во 2023 година, производството на филмот беше запрено, што го објаснува долгиот процес.

Филмот зборува за возачот Сони Хејс (Бред Пит), кој морал да се пензионира по тешка несреќа. Неколку децении откако се пензионира, тој излегува од пензија и со млад возач се натпреварува против најсилните во тимот. Сè уште нема трејлер за претстојниот филм, но сепак ќе биде премиерно прикажан тизер на Британското ГП.

Филмските права ги купи Apple. Филмот ќе го режира Џозеф Косински, режисерот на „Top Gun: Maverick“, а главни продуценти ќе бидат Џери Брукхајмер и седумкратниот Ф1 шампион Луис Хамилтон. Последните информации велат дека буџетот надминал 300 милиони долари, со што овој филм за Формула 1 е еден од десетте најскапи филмови во историјата.