Еден загинат во ерупција на вулкан на Нов Зеланд, најмалку 20 повредени

Едно лице загина, а неколкумина се повредени денеска во ерупција на вулкан на новозеландскиот Бел остров (White Island), популарна туристичка дестинација каде се верува дека за време на ерупцијата имало најмалку 50 луѓе.

– Дел од нив беа транспортирани на брегот, и најмалку еден од нив беше во критична состојба, се вели во полициското соопштение.

Здравствените служби соопштија дека имало дваесетина повредени.

Вулканологот Бред Скот изјави пред локална радио станица дека станува збор за силна ерупција.