Иако нашите мајки за нас се херои и најголема поддршка, сепак не им кажуваме доволно колку многу ги цениме. Секој ден е посебен да им покажеме колку ни значи нивната грижа, нивната поддршка, нивната безрезервна љубов.
Мајката ни е првиот најдобар доживотен пријател, таа е најчистата форма на љубов која постои пред нас. Без разлика на годините и ситуациите, секогаш на мајките треба да им искажуваме љубов и почит, без разлика дали станува збор за вашата мајка, мајката на вашиот сопруг или вашата сопруга, мајката на вашите деца, мајката на вашата мајка/татко, мајката на вашиот пријател.
На мајките во вашиот живот треба да им покажете благодарност и љубов секој ден и на секој чекор, не само еден ден во годината. Затоа, убаво е да ги прочитате некои од најпознатите цитати на оваа тема, кажани од славни личности, писатели, филозофи.
„Мајките се како лепило. Дури и кога не ги гледате, тие сè уште го сплотуваат семејството“. – Сузан Гејл.
„Мојата мајка е чудо кое оди“. – Леонардо Дикаприо.
„Мајката го разбира дури и тоа што детето не го кажува“. – еврејска поговорка.
„На светот им требаат нашите мајки“. – Лија Кебеде.
„Мајките се раѓаат во ист момент кога и децата. Претходно не постоела, постоела жената, но мајката никогаш. Мајката е нешто сосема ново“. – Рајниш.
„Мајките никогаш не се сами во мислите. Мајката секогаш мора да размислува двапати, еднаш за себе и еднаш за своето дете“. - Софија Лорен.
„Еден маж најмногу си ја сака девојката, најдобро сопругата, но најдолго си ја сака мајката“, ирска поговорка.
„Никогаш немој да се омажиш за човек кој ја мрази својата мајка. На крајот и тебе ќе те замрази“. - Џил Бенет.
„Мајчиното срце е длабока бездна на чие дно секогаш ќе најдеш простување“. - Оноре де Балзак.
„Од сите права што ги имаат жените, најдобро е што можат да бидат мајки“. - Лин Јутанг.
„Ако сè на овој свет е несигурно, мајчината љубов не е“. - Џејмс Џојс.
„Сите жени стануваат како нивните мајки. Тоа е нивната трагедија. Ниту еден маж не станува како својата мајка. Тоа е нeговата трагедија.“ - Оскар Вајлд.
„Бог не може да биде насекаде, па затоа ги создал мајките“, еврејска поговорка.
„На светот постои само едно убаво дете и секоја мајка го има“, кинеска поговорка.
