Хроника

Една жртва во пожар во барака во Трнодол

4. декември 2019 - 16:07 | МИА

Скопје, 4 декември 2019 (МИА) – Во пожарот што попладнево избувна во барака во скопската населба Трнодол има една жртва. Телото е пронајдено при расчистување на остатоците од пожарот.

– Пожарот е изгаснат пред околу 20 минути. Дел од пожарникарите кои останаа на терен да го расчистат теренот го пронајдоа телото, изјави командантот на Територијалната противпожарна единица на Град Скопје Владимир Симоновски во изјава за МИА.

Пожарот беше пријавен во 14 часот, а Противпожарната единица на Град Скопје интервенираше со 5 возила и 14 пожарникари.

Причините за настанување на пожарот ќе бидат познати по извршениот увид.

Коментирај