Десетици илјади парижани вчеравечер предизвикаа масовeн метеж во сообраќајот обидувајќи се да го напуштат главниот град пред започнувањето на новиот локдаун кој го најави францускиот претседател Емануел Макрон пред неколку дена.
Видеата објавени на Twitter покажуваат како луѓето се обидуваат да го напуштат главниот град на Франција за да го избегнат полицискиот час и новите рестрикции.
Кумулативно, колоните од возила кои го напуштаа Париз беа долги околу 700 километри.
Новите рестриктивни мерки се воведени за да се спречи ширењето на вирусот, а на луѓето им е наредено да останат дома и да излегуваат само ако имаат потреба да заминат на лекар, во продавница или на работа.
Секој граѓанин кој ќе излезе од дома ќе мора да има документ со кој го оправдува својот излез, а проверките ќе ги врши полицијата.
Училиштата, за разлика од пролетниот карантин, ќе останат отворени, но универзитетите ќе се затворат.
Кафулињата и рестораните, исто така, ќе бидат затворени, како и продавниците, освен сервисите за поправка на автомобили, супермаркетите, пералните, оптичарските и фармацевтските работилници.
Франција во четвртокот пријави нови 47.637 новозаразени. Во средата имаа 36,437 нови случаи, а во неделата рекордни 52.010.
